مــوضــوع للنــقااش من أرض الواقـع

أخوااتي العزيزات


قبل لا تبدئين بالموضوع انا عارفه انك تحشين بالحريم زيك زي غيرك ولا انتي ما عمرك حشيتي؟؟ صرااااحه قبل لاتردين جاوبي هههههه

ــــــــــــــــــــــــــــــــــــــــــــــــــــــــــــــــــــــــــــــــــــ

الموضوع بدايته كنت جالسه انا وجمعة بنات في مناسبه لااحداهن وتحدثنا عن امور الحياة وتطرقنا لموضوع الحريم مدري وش جاب الطاري >>كلها مني << لكن الموضوع اعجبني وحبيت اتناقش معكم فيه ولاهو عن شيء ولكن فعلا الحقيقه ان الحريم لازم يحشن بفلانه ولا علانه مدري ليه؟؟!!!

وغير كذا تعاتب غيرها وتشمت وهي فيه حريم تعاتبها وتشمت عليها يعني زي ماتسوين يسوااابك
وغيركذا ان الحريم
مدري اظن انهن مايعرفن ان فيه باب اسمه باب النصيحه وليس كل النساء طبعا لا 75% منهن طبعا هذي نسبه قليله هههههههههه

ونحن جالسين نفتح هالموضوع اللي هو )حش الحريم بعضها(
صارت كل وحده تجيب سالفه سمتعها وأليكم بعض السوااااااااالف طبعا من سواااااااااالف الحريم.... وبدون مجامله هههههههه


فلانه تقول لفلانه شفتي ثوب فلانه ولله مااااصخ ومايسوى شيء ويقولون انه بــ 1000ريال

فلانه تقول لفلانه ياساتر يافلانه ريحتها خايسه تصرع الطير من السماء ولله بس قربت منها جاني صداع نصفي الله يعين زوجها !! >> طيب ليش مانصحتيها ههههههه

فلانه تقول لفلانه تصدقين ان بك عين واللي عاينتك انا اعرفها فلانه بس تسولف بك ياشيخه روحي واشربي من فضلتها

فلانه تقول لفلانه شفتي فلانه هههه مثل الهيكل العظمي وترد عليها هذيك وتقول لا ولله مثل عصا المكنسه>>وهن معجبات باجسامهن هع هع هع

فلانه تقول لفلانه تصدقين ان ام زوجة فلان تشتكي منها ياساتر انها تفرق العائله ( يوم تسمعين سوالفها تقول هذا البر ولا بلاااااااااش وهي اللي لامتن العائله

وفلانه المتزوجه تقول لفلانه المتزوجه يازين ولد فلانه وبناتها مدري وش تحط على شعر بناتها >>طيب قولي ماشاء لله وروحي وسئليها>>سألتها بس قالت احط زيت زيتون وجربته بس مانفع >>ههههههه الله يعينهن على عقولهن

وفلانه تقول لفلانه شفتي فلانه بالعرس ماسلمت على فلانه وش عندها ماتسلم على حماتها تصدقين فيه شيء


وغير كذا سوالف ابشع بس ولله ما قلت غير هالسواااالف هذا اللي نعرفها او سمعنا بها
والخافي اعظم



وهكذا يختلط الحابل بالنابل والكلام يروح ويجي في اذان الحريم وهذي تروح لفلانه وهذيك لفلانه وتبدأ مشوار سوالف الحريم والحش والغيبه والنميمه..... الى متى!!!
الى اجل غير مسمى




اريد اسألكن ايتها النساء>>طبعا ما اريد تقولون من حشيتي به ولا سولفتي بظهر فلانه لا>>لاني عارفه ماراح تقولون شيء واكيد اول من تحشو فيها هو انا ههههههههههههه


ماعليكم من هالسوالف طيب الموضوع او الزبده هنا عندي سؤال؟؟


ليش الحريم بس لهن هذره وسوالف بفلانه وعلانه؟؟؟

وليش يحبو يسولفو عن فلانه ؟ وش السبب ؟ هو على شان فلانه تقول اللي ببطنها؟ وتعرف بعد من تحش بها؟؟
وليش هالحريم يحبو يسألو كثير وبس يراقبو بعض؟
وليش الحريم مايقتنعنو بانفسهن ويحترمنو شخصية الحريم الأخريات؟




ياكثر الاسئله والسبب الحريم لكن انا جبت الموضوع لنقاش مفتوح
واللي عندها اضافه تضيفها


بس ارجو ان الردود تكون من باب النصح لعل بعض هالحريم تهتدي ههههههه
عموما الموضوع موضوعكم مع اني انا نسمه بارده " سمعت وشفت العجايب من الحريم والبنات لين شاب شعر راسي


دمتم بووووووووود,,

,

يسعدني أن أكون أول وحد ترد على الموضوع .
أول شيء أنا قرأت مره أنه يغفر لزاني إذا تاب ولكن.
لا يغفر لمن أغتاب أحد إلا إذا سامحه ذاك الشخص الذي أغتابه.( والله أعلم )
يإأاااااااااااااااااااربي رحمتك اللهم إعف عنا واغفر لنا
سااااااااااااااامحوني يإأااااااااابنات كان اغتبت أحد فيكم